您的位置: 首页/八友集/ 人品脾氣 麻將選婿知好壞

人品脾氣 麻將選婿知好壞

Mar 14, 2019, 00:52 AM

  有人說,如果想知道自己個女係唔係適合做東床快婿,最好嘅辦法係同佢打場麻雀,因為打牌可以睇到人嘅個性;如果冇糊食,亂發脾氣者,呢種人冇修養,好容易衝動,呢種人肯定晤啱做女婿,因為壞脾氣,多會打老婆。八友日前睇到一段婚禮視頻,尚未送入洞房,新郎喺眾目睽睽下,竟然對新娘子兜巴星。

  拍攝地點應該係中亞國家嘅結婚典禮影片,起初喺新郎餵蛋糕俾新娘食,後尾輪番轉頭餵食,新娘子想搞下氣氛,當新郎準備吃嘅時候,新娘卻突然將手縮後。呢個時候,新郎瞪咗老婆一眼,女方好似想笑卻又唔敢笑,就喺佢凖備餵第二啖時,新郎竟直接一巴掌就打過去,呢一巴係佢靈之掌,因為新娘直接被打跌坐到後面椅子上。呢一下令全場人發出叫喊,新娘摸住塊面企番起身,影片到此為止。

  後續會係點,唔知。有兩個可能,一係男女雙方家長,做好做醜:“冇事,冇事,新郎攰過頭,飲大咗兩杯啫。打者愛乜吖嘛!未洞房就耍花槍,下次唔好喇!啋!講錯嘢,冇下次。總之冇事就好啦!派對繼續。”第二個可能係女方將婚紗禮服即場除低:“你個死佬,未嫁你已經咁對我,將來日對夜對,幾多夠你打。阿姐依家唔嫁。離婚。”同樣係男人,八友都怒罵呢個渣男要做死一世寡佬。唔玩得,冇幽默感,脾氣暴躁,就算佢係油王個仔,都嫁晤過也。

  因此,八友贊成打麻雀選婿,包冇選錯。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版