您的位置: 首页/八友集/ 批評停播 宮廷劇良莠不齊

批評停播 宮廷劇良莠不齊

Feb 8, 2019, 00:34 AM

  春節前,中國《北京日報》指出從《甄嬛傳》、《羋月傳》、《步步驚心》到《延禧攻略》、《如懿傳》之熱播,“宮廷文化傳播不斷昇溫,確實起到豐富大眾文化娛樂生活作用,但係對其產生之負面影響亦不容忽視。”大約一個禮拜後,人們發現中國多家衛視已陸續停播宮廷劇。而八友得閒無事,正在追睇宮廷劇集,朝早睇完《軍師聯盟》之後,夜晚9點睇“美國中文電視”嘅《延禧攻略》,有時又轉下臺睇“華語電視”之《如懿傳》,不禁擔心呢兩個電視臺會唔會受國內影響而停播,到時豈不是吊癮。好彩呢兩個臺照播不誤。

  點解宮廷劇會被批評?評論指宮廷文化影響住人們嘅身心健康同生活嘅方方面面。宮廷劇中嘅對話,如,朕、陛下、愛妃、臣妾、小主、本宮,現已成為某些人的口頭語。而劇情無外乎爾虞我詐,爭風喫醋,勾心鬥角,居心叵測,媚上欺下。又指呢啲嘢同中國提倡嘅社會主義格格不入云云。宮廷劇對普通百姓有此魅力,八友首次知道,此乃一啲觀眾定力不足也。八友並非宮廷劇必看,要揀嚟睇,好似《羋月傳》、《軍師聯盟》,孫儷、吳秀波等之演技,無可挑惕,劇情峰迥路轉,唔睇係視覺之損失。

  八友定力十足,唔會自稱朕,逢靚女叫愛妃。想像中,有“代入講”之人可能都係未成年者,因此,人家億億聲拍咗部大劇,一下子停播,好傷嘛!建議播劇之前中英文字幕註明“本劇只供21歲(賭博年齡)以上人士欣賞”,如有代入講,將追究法律任。”

  如此這般撥亂反正,皆大歡喜矣!

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版