您的位置: 首页/八友集/旅遊推介 今年紐市好兆頭

旅遊推介 今年紐市好兆頭

Jan 11, 2019, 01:45 AM

  聽華人酒店協會講,過去幾年,紐約市旅遊業好生興旺,特別係舊年,旅遊旺季時,幾乎間間酒店爆棚,連地踎賓館都客滿。今年情況會唔會持續攀升,一年勝過一年呢?相信會係。因為根据旅游出版商Frommer整理嘅一份排行榜显示,2019年纽约已跻身全世界19个最值得旅行地区之一。Frommer表示,该榜单将提供“最丰富、最值得旅行爱好者旅行之地方”。纽约市有唔少值得旅行爱好者游览嘅景点,包括纪念石墙酒店(Stonewall Inn)起义50周年及同性恋权利嘅诞生(The Birth of Gay Rights),纽约市西区庞大嘅哈德逊广场(Hudson Yards)开发项目,纽约上州詹姆斯敦(Jamestown)北部开放的国家喜剧中心(National Comedy Center),以及伍德斯托克音乐节(Woodstock)演出等。

  八友睇以上介紹嘅旅遊景點,老實講,對一啲老華僑來講真個是“一頭霧水不知東”。除咗呢啲“高級勝景”之外,紐約市仲有好多值得去嘅地方;世貿中心“姐妹樓”俾恐怖份子炸咗,依家喺原址興建咗一座紀念公園,供人憑弔。大總統特朗普聞名全世界,好多人都想睇下佢發跡嘅地方。曼哈頓中城金碧輝煌嘅“特朗普大廈”應係遊客慕名想去,想知道一個銅臭之夫如何能一躍而成為“一國之君”,係咪大廈有乜風水機關所在。此外,中央公園、麥迪遜花園廣場、博物館、哈林區、自由女神、聯合國大廈等等名勝景點,亦係鍾意旅遊者都想“到此一遊”嘅地方。更不可忘記有百幾年歷史嘅“唐人街”,此地雖然只有“百年老店”中華公所、華裔軍人紀念坊之劉錦廣場、傳統老街之勿街、披露街等,但仲有大江南北、中西等美食,令人“聞香下車”,可借嘅係少人知。因此,建議市府官員,尤其係華裔公僕,諗下辦法,扶唐人街一把,將遊客順便帶到華埠,功德無量也。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版