您的位置: 首页/八友集/ 虐嬰至殘 托兒服務需愛心

虐嬰至殘 托兒服務需愛心

Jan 10, 2019, 00:55 AM

  最近睇到唔少虐童案,有單親老母嘅小朋友被其男友虐待至周身損傷;有幾歲大嘅小女孩遭後母虐待,飽一餐餓一頓,營養不良皮包骨。諸如此類嘅社會問題令人唏噓,對虐人者感到憤怒。日前,一名高姓女人向布碌侖社區求助。原來,住喺明尼蘇達州嘅高婦喺一年前將九個月大兒子托朋友林女士照顧,那知竟被虐待至腦出血,小朋友已进行咗两次手术,脑部依旧插管,医生話造成嘅伤害係永久性嘅。高婦求助紐約華僑社會之原因係希望向林婦尋求民事索償,佢又說对自己因一时嘅疏忽带俾兒子终身伤害非常後悔。

  “早知今日,何必當初。”高婦萬萬想唔到,托友人照顧下自己個仔一段短時間,就令到兒子一生傷殘,漫漫長路,試問個仔呢一世點樣渡過?社區嘅托兒服務,良莠不齊,但佢哋領有牌照,唔會亂來,當然,如果聘請嘅媬姆缺乏愛心,小朋友需自求多福。至於私家托兒,家長一定要調查清楚對方愛心有幾多。八友居住嘅公寓6樓,有一個中年男人就係做男媬姆,日日見佢推住雙層BB車出出入入,對小朋友噓寒問暖,睇嚟愛心爆棚,街坊都叫佢做“湊仔公”。聽講,湊仔公囗碑甚佳,搵過佢照顧仔女嘅家長都讚好。應該都係,否則“湊仔公”點能夠一湊就十幾年。“自己嘅仔女自己湊”。有唔少父母認為仔女都係自己湊最安全,往往兩人中有一個唔做工,親自湊,“家用係緊啲,但我哋睇將來。”有父母省吃省用,為嘅就係仔女長大成人,苦心可知。呼籲專業托兒又好,私人托兒又好,大家拎出愛心,造福孩童。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版