您的位置: 首页/八友集/ 帥警領功 可代言紐約旅遊

帥警領功 可代言紐約旅遊

Dec 20, 2018, 01:09 AM

  日前睇到一條感人電視新聞,受訪者包括一對未婚男女同兩個紐約市警察。原來,上個月有來自英國嘅阿尊同佢女朋友丹妮里喺時代廣場觀光時,阿尊突然拎出一只戒指向丹妮里求婚。“太浪漫囉!”丹妮里俾浪漫充昏頭腦,當場答應阿尊“我願意”。阿尊要女友將戒指戴上,“大咗啲喎!”“唔緊要,試下啦!”“唉呀!斃!跌出嚟!”丹妮里高興過頭,戒指跌落地,好衰唔衰,旁邊有個排水溝,只戒指就咁碌入水溝內。阿尊唯有出盡九牛二虎之力,想將戒指撈番出嚟,更有十幾個路人幇手,但可能人多手腳亂,始終搵唔到。冇計,兩人只好番英國。之後發推文求助紐約市警方,存一線希望。

  你話捉賊就難啫,搵戒指,碎料啦!結果真係搵到,并通知阿尊。呢對未婚男女二話不說,立即飛紐約。“好人好事。”電視台請佢哋做訪問。

  從呢件事嚟睇,紐約市警察雖然係鐵漢,但都有柔情一面。小小一只戒指跌入排水溝,老實講,真係唔容重見天日,偏偏紐約市警察局就有一個咁嘅部門,亦可能呢兩個警察係負責對外聯誼嘅,輕駕就熟,手到拿來,送番俾遠方嘅客人,相信唔單止上咗紐約市電視台新聞,英國全國電視台亦會聯播也。

  建議紐約市旅遊局邀請上述嗰兩位警察帥哥做代言人,向國際宣傳紐約市旅遊:“安全、可靠、包冇走雞”。當然,閣下唔能夠將戒指拋落哈德遜河,然後叫紐市差人去搵。“未必,大海撈針唔得啫!大河撈針打問題。”友人大隻講如是說。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版