您的位置: 首页/八友集/賣身被劫 鳳姐生涯辛酸多

賣身被劫 鳳姐生涯辛酸多

Dec 6, 2018, 01:40 AM

  “冇錢學人嫖妓,仲打劫鳳姐皮肉錢,呢種《雞蟲》太無良。”有時會喺港聞版發現呢啲社會新聞。日前,法拉盛一間“賣藝不賣身”嘅華人經營按摩院,亦出現類似歹徒。一名西班牙佬喺法拉盛某按摩店做用腳底按摩後,突然提出要“特別服務”嘅色情按摩。店方話佢哋係正經“馬殺雞”,冇色情服務提供。“咁就退錢。”男人說。“我哋收你嘅係按摩錢,已經做咗。”老闆娘說。男人發爛渣,喐手打人。“好女不喫眼前虧”,老闆娘唯有退錢送瘟神。點知臨走時,死佬仲打爛小費箱搶錢。最後該店報警。

  八友好少會法拉盛,只聽說該區“馬殺難”店唔少,唔正経多過正經。上個禮拜四,住法拉盛嘅友人辛尼等約八友喺39路飲茶。傾完偈後,辛尼話順路,陪八友去搭小巴,冇耐,路過一條街,但見多個年齢喺45至65歲嘅亞裔女人,塗厚脂,抹厚粉,或企立,或散步,狀似等人。八友心諗“乜場景咁熟面囗嘅呢!”辛尼已經告知八友“呢條街又叫做“雞街”。

  八友之所以話熟口熟面,乃係番親香港,行落油麻地時,都會發現有半老徐娘向街坊阿叔、阿伯兜生意,正如新聞所講:“流鶯襲港,叔伯驚慌”。鏡頭拉回1973年紐約唐人街地威臣街、宰也街一帶,濃妝艷抹嘅非裔、西語裔,甚至白人女子散步企街,等待恩客眷顧。嗰個年代有唔少單身寡仔,收工後大多數到土庫底賭兩手,或去酒吧飲幾杯,然後借啲酒意,尋求生理發洩,於是趨前向美女問價。“小女子短敍收費20文錢。”“OK,殺你。”乃領著嬌娥,向住所進發。一晃眼又係45年,呢種場景揮之不去。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版