您的位置: 首页/八友集/「移民被逮」 大閘蟹不如巨蟹

「移民被逮」 大閘蟹不如巨蟹

Dec 5, 2018, 01:40 AM

  中國喺秋冬季節,盛產大閘蟹,香港人想嘗鮮,話冇咁容易,但喺香港吃同喺大陸吃,價錢一定有所分別。所以,有人以走私途徑自大陸運大閘蟹到香港,賣俾食肆,想賺番 一筆。香港警方當然唔容許走法律罅,於是雙方鬥法,各顯神通。日前,香港海關與食環署聯合行動,喺落馬洲管制站截查一輛入境私家車,檢獲10籮共624隻懷疑走私大閘蟹,估計市值約6萬元。

  唔好以為走私者大膽,更大膽嘅喺紐約,日前睇美國中文電視新聞,該台記者喺JFK機場採訪海關一位發言。原來,海關最近緝獲一批想非法“移民”美國嘅大閘蟹,為數不少。海關發言人警告唔容許活生生嘅蟹入境,不但係衛生安全問題,更係因為呢種亞洲蟹一旦喺水中繁殖,將會危害其他海產,因此,有關方面一定嚴查到底,一旦發現,罰款罰到閣下暈低。記者仲拍低一箱箱嘅大閘蟹鏡頭。呢批蟹嘅下場如何,估計係“安樂死”,鍾意吃蟹嘅人只好望鏡頭輕嘆“暴殄天物”。

  其實,大閘蟹喺30幾年前已經喺紐約唐人街超市有售,大慨喺1982年至1985年呢短短幾年間,好幾間滬式餐館推上餐桌,大受歡迎,八友都食過兩次。之後,政府有關部門拒絕入口,原因就係唔想大閘蟹俾人用來飼養,影響美國其他海鮮生存空間。老實講,八友覺得大閘蟹嘅口感麻麻,嫌其過於細隻,唔及花蟹、膏蟹,更比唔上溫哥華大蟹、阿拉斯加巨蟹等啖啖肉。當然,你請八友吃大閘蟹,唔會拒絕。

本文版权属“纽约侨报”所有,未经授权请勿转载。违者将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版