您的位置: 首页/八友集/化醜為妍 妝前妝後兩個樣

化醜為妍 妝前妝後兩個樣

Nov 9, 2018, 02:11 AM

  朋友傳來女仔化妝前同化妝後嘅搞笑視頻,化妝前真係“人見人愛,車見車載”,但卸妝過程,令人目瞪口呆,直頭係“沙頭角村長個女,你愛,我唔愛”。隔冇幾日,又睇到一條相關趣聞:一名空中小時因為瞓過龍,冇時間化妝,擒擒青上氣唔接下氣跑到機場,但見佢一頭亂髪,樣貌臘黃,毫不起眼嘅大媽撲到公司櫃臺報到,主管幾乎認唔到佢,後尾見佢個名牌,先知係乜誰,見佢咁嘅樣,不敢眉頭大縐:“阿姐,你咁嘅款,點上機呀?”空姐立即衝入洗手間化妝,10分鐘後行出廁所,變咗個亮麗嘅大眼妹。八友睇妝前妝後嘅兩個樣,大嘆:“化妝品,你係得嘅。”

  記得廿年前應韓亞航空訪韓記者團之邀到上海、首爾訪問,但見個個空姐貌若天僊,不禁向領隊嘅華人主管劉生大讚:“你哋嘅空姐,靚過所有航空公司嘅。”“係咩?你太仁慈囉!佢哋化重妝,豬乸都變楊玉環啦!落咗妝就兩個樣啦!”可能劉生見過佢哋唔化妝嘅容貌,先至有咁嘅評語。八友當時對劉生所講不以為然,心諗“係咪你追過自己公司嘅空姐,追唔到,先至咁講呢!”但睇到上述空姐妝前妝後兩個樣,恍然而悟,怪錯劉生,原來化唔化妝,真係有咁大分別。八友認為,都係素顏嘅女仔較為實際同襟睇,讀者以為然否?

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版