您的位置: 首页/八友集/藝界凋零 查鄒藍一路走好

藝界凋零 查鄒藍一路走好

Nov 6, 2018, 02:00 AM

  周前啱啱喺電影台睇完李小龍主演嘅“唐山大兄”,日前就傳來一手捧紅“李三腳”、成龍嘅嘉禾電影公司創辦人鄒文懷病逝之消息,91歲,高壽也。鄒生不但生有慧眼,同时將美国荷李活拍戏模式引入香港,发展与独立电影制作人合作,将香港电影带进百花齐放年代。喺上世紀八九十年代,係香港電影鼎盛時代,其中“嘉禾”制作嘅電影,就佔咗重要位置。

  睇電視台重播訪問鄒生片斷,佢提到“唐山大兄”呢部片只用咗5萬蚊美金,但回報率卻高到無以復加。鬼唔係咩!呢部李小龍回歸香港電影嘅影片,當年喺香港狂收320萬銀,八友幾經辛苦排隊先買到午夜場票咋!“唐山大兄”其後又喺台灣、東南亞地區以至歐美各國狂賣,你話鄒生賺幾多?

  李小龍猝死,其原因到依家仲係一個謎,世上知道嘅只有三個人,一個係“李三腳”佢自己,第二個係佢紅顏知己丁珮,第三個就係鄒文懷,因為當時鄒生同李小龍喺丁珮香閨傾緊劇本,兩三個鐘頭後,“李三腳”變咗硬翹翹。依家鄒生將李小龍猝世原因帶走,知道秘密嘅就只有丁珮矣!

  讀者有冇發覺最近香港演藝界人才走咗好幾個,先有金庸(查生做過編劇同導演),跟住係鄒生。又再跟住係藍潔瑛。呢個曾被譽為“靚絕五台山”嘅女藝人,可以講一生坎坷,喺咪因為曾被兩個電影大佬強暴以至精神失常,瘋瘋癲癲?喺演藝界,做女人唔容易,做靚女人更加唔容易,估計瑛姑係就係咁。而強暴瑛姑嘅嫌疑人分別有鄧光榮、曾志偉,前者幾年走咗。後者年頭被逼急開記者會,聲稱絕無此事。聽講,瑛姑猝死後,曾生嘅網誌被人灌爆,要佢講幾句。八友同大家打個賭,曾生一定唔講。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版