您的位置: 首页/八友集/拍賣印傭 中介公司被除牌

拍賣印傭 中介公司被除牌

Oct 12, 2018, 01:42 AM

  無論種族、職業、出身,人人皆平等。但現今社會,仍有唔少人對低下層人士有歧視心態,例如星加坡有一間女傭中介公司就係。呢間公司喺網上售貨平台賣廣告,提供部分印傭服務,部分女傭被顯示“賣出”,亦有人被顯示為“新鮮出爐”。有正義之士睇到,大叫黐線,指係侮辱同物化印傭,非政府組織Migrant Care亦開炮指“唔公正、有損尊嚴”。平台隨即將廣告下架。一石激起千重浪,特別係印尼反應最激烈,鬧到媽媽聲,幾乎引起外交風波。星加坡政府隨即中止該公司牌照,更警告會提出檢控。

  拍賣女傭,唔少人會諗起百年以前美國販賣黑奴,白人將佢哋當作貨物拍賣,價高者得,估唔到百年後嘅今日,居然仲有人將事件重演,其心可誅。喺設計廣告嘅人來講,可能覺得幾搞笑,幾過癮,會幾吸引。但佢哋有冇諗過,呢種做法係對女傭侮辱,對女性歧視。不但印尼要抗議,就算菲律賓、中國順德(媽姐),都應該企出呢聲討呢種侮辱人嘅行為。好彩美國黑人組織仲未知有咁嘅事,否則已經號召一萬幾千人前往星加坡遊行示威矣!所以,無論公司又好,個人又好,一定要謹言慎行,唔好一時貪口爽,貪得意,否則好大鑊也。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

NYC VOTE
关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版