您的位置: 首页/八友集/ 傲慢偏見 言語歧視要收聲

傲慢偏見 言語歧視要收聲

Oct 8, 2018, 01:07 AM

  有媒體報導,總統特朗普時不時用種族歧視言語辱罵白宮工作人員,總統發言人當然替主子否認,話係媒體抺黑,假新聞,總統愛民如子,心中有大同思想,黑白紅黃是一家。但媒體舉人證物證,似乎有跡可尋。但無可否認,自地產大亨上台後,美國種族歧視案件增加唔少,凈係喺紐約,針對歧視華裔之標語、塗鴉、言語,就增加好多。有人說“上有好者,下有效之。”

  “收聲,呢度係美國,講英文。”呢種言語攻擊,依家屢見不鮮。日前喺科羅拉多一間超級市場,就發生咁嘅事:兩個西語裔女士喺超市相遇,自不然用家鄉語交談,點知有個白人阿婆出言干涉:你哋係咪住喺美國?係吖嘛!你哋既然喺我嘅国家生活,就唔可以喺呢度講西班牙話,如果你哋想喺美国留低,就一定要讲英语。阿姆鬼食泥咁鬧兩個西語裔女人,令行超市嘅人側目。其中一個白人女人睇唔過眼,聽唔順耳,叫阿姆收口:“人哋講西班牙話,關你Q事咩?呢度係美國,自由平等吖嘛!唔好再騷擾人啦!”不過阿姆死牛一面頚,認真食古不化。

  八友認為,老一輩嘅美國白人,雖然絕大多數都唔會歧視有色人種,但仍有極少數受佢哋父執輩嗰種大美國主義思想影響,存有極強“傲慢與偏見”心理。依家社會進步,人人平等,大美國主義已經不復存在。希望被爆用歧視言語鬧下屬,可愛又可笑嘅總統,“有則改之,無則嘉勉”,作一個良好榜樣,等全國人民效法。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版