您的位置: 首页/八友集/邊洗邊等 換腎成功靠運氣

邊洗邊等 換腎成功靠運氣

Sept 14, 2018, 02:30 AM

  老友新哥約飲茶,佢話啱啱喺唐人街洗腎中心洗完腎,有啲攰,但胃口冇差到。“人哋話洗腎辛苦,我都唔覺得點。”“有冇排隊等換腎呀?”“有係有,但點知等到幾時?!唔理得咁多囉!換腎呢種事可遇不可求。就算有得換,都驚唔掂,怕排斥,總之平常心啦!”朋友之中,另一位金哥早廿年前成功換腎,佢話最初都好辛苦,好彩捱過咗,依家香港、紐約兩邊走,依照醫生吩咐,注意吃藥,麻雀照打,希望平安走到尾。又據知有個僑領亦長久洗腎,對佢打擊頗大。不過聽講佢舊年年底輪到佢換腎,頗為成功,可以繼續打併鬥爭。

  講起換腎,時報廣場早個禮拜出現一個顯眼廣告牌,竟然是有人尋求捐腎。報道稱,從事新聞工作嘅中年男子韋納癌病痊癒,但需要每個禮拜洗腎三次以維持生命,如果想完全擺脫“洗腎”嘅日子並重過正常生活,韋納必須搵到配對之腎臟進行移植。佢太太嘅一位朋友為幫助老友,拎出一筆錢喺時報廣場打廣告,尋求換腎,廣告費每月租金3萬5000蚊,每粒鐘播放8次,廣告牌公司願意一直播放至11月,希望可以盡快為韋納搵到合適腎臟。 聽醫生講,要搵到合適嘅腎臟其實并非難事,最好係有血緣關係。前NBA名將莫寧就得到佢一個遠房親戚捐咗嗰腎個腎,佢封番幾多紅包俾人,唔知,估計以佢身家,三幾百萬都好濕碎。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版