您的位置: 首页/八友集/父子同心 競選抹黑唔駛本

父子同心 競選抹黑唔駛本

Sept 13, 2018, 01:55 AM

  今日13號係民主黨初選日,對華人來講,今次除咗選州長之外,仲有兩個華人參選;一個係前紐約市主計長劉醇逸參選皇后區州參議員,佢嘅對手係現任嘅艾維樂,呢位資深參議員亦頗有民望,今次對上劉醇逸,就要考下選民嘅智慧,特別係華裔選民,佢哋嘅票數,將會喺今次選舉中發揮成敗力量,否則,呢兩位候選人都唔會全力喺華人社區拜票。另一個係首次參選嘅李昌永,佢選嘅係曼哈頓民事法官。呢位嚟美國只有廿幾年嘅女律師好鬼勤力,幾個月前已展開競選活動,自己親身去到各大僑團拜票,八友都接過幾次李律師競選團隊嘅催票電話,“放心啦!佢咁勤力,審案一定唔會偷懶,我一定投佢票。”華裔選民協會嘅李瑞生叫八友提醒選民,選法官會喺選票最下面嗰一欄,唔好睇漏眼。

  呢次重頭戲係選州長。八友好為挑戰現任州長葛謨嘅尼克松女士唔抵。民意調查己経顯示葛謨贏佢九條街,居然有疑為葛謨之競選團隊抹黑尼克松。呢啲文宣傳單暗示辛西娅·尼克松(Cynthia Nixon)係反犹太主义者。傳單被派到7000户家庭,总共花费1.1万元。州長葛謨同州民主党人士都表示咁樣做唔啱喎。日前,葛谟团队发布更多关于邮件嘅来龙去脉,将创作者确定为“喺选区帮助该竞选团队宣传之个人”。目前唔清楚係咪有人批准关于尼克松女士嘅传单,葛谟竞选发言人拒绝对此进行详细说明。八友突然想起“鱷魚的眼涙”呢句話:大鱷食緊人時喊住說“對唔住,食咗你𠻹。”八友又憶起前任紐約市長郭德華1982年競選州長,對手係時任州長老葛謨,老葛謨嘅競選團隊用咗一啲得罪人唔駛本嘅說話損害郭德華,就係“We want Cuomo,not the Homo。”難怪輿論笑大小葛謨“有其父必有其子了。”

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版