您的位置: 首页/八友集/賭檔充斥 八大道成是非地

賭檔充斥 八大道成是非地

Sept 11, 2018, 01:55 AM

  住喺布碌侖嘅友人仨格格話嗰邊華人社區治安越來越差,打砸搶案件幾乎五日一小宗,三日一大宗。尤其係八大道周边非法赌档问题日益严重,七大道甚至一街一馆,令人忧心。“劫案已經發生過好幾單,日前更有一間麻雀馆内发生赌客群殴暴力案件,甚至講牵涉到枪械問題,令到良好華人市民大為擔憂。”呢單複制上世紀七八十年代民鐵吾(曼哈頓)唐人街“大檔”(非法檔館)之案件,八友都有留意,因為自己有時都會喺合法嘅同鄉會同鄉親“手談”(打麻雀),因此,對呢種事較為敏感。聽講今次喺有輸咗錢嘅賭客有所不滿,“一言不合,大打出手”。好彩警方及時趕到,否則打鬥升格,好容易鬧出人命案子。

  有人話,新移民多嘅地方必定興旺,亦必定熱鬧,而熱鬧嘅地方必定有油水,有油水嘅地方必定多事端,多事端嘅地方必定多罪案。唐人街喺1990年代之前就係咁,浄係講賭檔,八友數得出嘅就有九號、唐山、崇記、東記、暢然、紐約等十幾間,酒吧更加唔在講,條條街都有,毒品與野雞充斥,呢啲都係英雄地,亦即係是非所,為利益而衝突,在所難免。八友順手翻查舊檔案,就有一單賭檔被劫案件:1983年4月3日,5名持兩槍三刀華青凌晨賺門進入崇記賭館打劫,其中一個叫朱記嘅職員意圖反抗,遭打傷頭部及刺傷手臂及大腿。在場眾人,不敢反抗,全遭搜掠,歹徒得款逾5000元及金筆一枝,信用卡數張。呢種案件當年喺唐人街時有發生,有次有追數佬入賭檔追一個荷官債款,一言不合,被一槍打瓜。直到1996年,市長朱利安尼掃蕩幫派,唐人街開始太平至今。而布碌侖成為新移民聚居地,係當年唐人街翻版,所以,警方要加緊巡邏八大道也。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版