您的位置: 首页/八友集/老公出軌 竟然輸俾祖奶奶

老公出軌 竟然輸俾祖奶奶

Aug 7, 2018, 01:53 AM

  睇過一部電影,講兩公婆結婚冇耐,老婆懷疑老公有外遇,搵私家偵探去查。結果查到,帶住去捉姦,點知二奶係男人,自以為年輕又唔醜嘅女人痛哭。其實老公出櫃,自己輸喺男人手上,乃係命,駛乜難過。假如輸俾阿婆級嘅女人,先至揼心口都未遲。八友日前就睇到一條咁嘅新聞:英國伯明罕市有個24歲女子Lyndsey結婚一年多,最近發現老公同佢少講話她變疏遠,有時候甚至玩失蹤,甚至時常以工作當藉口外出。懷疑26歲嘅老公有外遇,乃委託福爾摩斯偵探社調查,聽取偵探報告後,佢幾乎暈低,因為佢老公出軌對象竟然係72歲嘅老太太,她完全唔想相信呢個事實。自己竟然輸俾個老婆婆,試問啖氣點呑得落?

  建議Lyndsey唔好太認真,應該唔係你嘅魅力唔及老奶奶,或係你嘅老公有戀母狂,唔係,係戀祖母狅。其可能原因有兩點,一係佢細個時由阿婆帶大,阿婆昇天後,佢仍念念不忘。其二係佢出世時,阿婆已經去咗,見其他同學仔都有阿婆湊番學放學,心生羨慕,希望自己都有個阿婆。好衰唔衰,結咗婚後先遇到一個,做老婆嘅咪唔好彩囉!所以,Lyndsey唔駛自卑。講起戀母狂,想起越戰期間,有時美國軍艦喺香港埋岸等?給,美軍都喜歡拖啲四五十歲,出嚟做嘅吧女招搖過市。呢啲阿兵哥二十零歲,但對中老年女性情有獨鍾,唯一解釋係戀母狂。因為佢哋唔知仲有冇命番故鄉,得歡樂時且歡樂,上咗年紀嘅女人可以俾到另一種愛佢哋。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版