您的位置: 首页/八友集/錯過世足 泰足小將幸脫險

錯過世足 泰足小將幸脫險

July 12, 2018, 03:21 AM

  12個11歲到16歲嘅泰國少年足球員同教練上個月23日練完波後,前往好似八陣圖嘅清萊洞探險,結果不幸受困其中。消息傳來,泰國立即全力救援,由於困難情況出乎意料之外,包括中國在內嘅國際救援組織、專家亦紛紛到出事地點幫助捜救。喺救援過程中,全世界目光關注,為呢13人祈禱加油,八友除咗關心世界杯,亦日日留意搜救進展。終於皇天不負苦心人,13個未來世界杯精英受困17日後,日前全部被救出,而且佢哋健康情況OK,只係有啲人肺部有輕微感染、發燒。讀者記唔記得2010年33名智利礦工受困69日嘅事件?後來電影公司仲將事件改篇拍成電影“The 33”。今次電影同電視公司自然唔會錯過,一早派出攝制隊到現場攞景。相信幾年後又有一部勵志影片同大家見面了。

  由於呢十几個小朋友係足球員,而世界杯正喺俄羅斯踢緊,國際足球總會(FIFA)主席第一時間邀請佢哋前往俄羅斯觀賞世界盃足球賽決賽,希望能鼓舞受困嘅小朋友。佢寫咗封信俾泰國足球協會主席:“假如小朋友健康狀況准許遠行,國際足球總會好高興邀請佢哋以貴賓身分,到俄羅斯觀賞2018世界盃決賽。”小朋友當然係想去,但醫生話唔得,因為佢得身體仲係虛弱,需要治療。友人大隻講話國際足協想“抽水”,借事件宣傳世界杯。又話小朋友唔去得,不如俾佢組“向世界杯致敬團”出發。對球迷嚟講,睇世界杯一生起碼一次。八友嘅中學同學微信群組,傳來劉堂學弟夫婦喺俄羅斯睇波嘅圖片,羡煞旁人。八友至今無緣現場睇世界杯,雖然1994年美國世界杯有幾場喺新澤西州開踢,但買唔到票。一位陳姓記者則有幸睇到一場,佢話“雖然嗰場係韓國對沙地阿拉伯,但點都係世界杯,老懷安慰矣!”8年之後,美、加、墨三國聯手合辦世界杯,聽講美東係主場,四強、兩強都係新澤西州決戰。八友吩咐八女,如果八友仲行得走得,帶老豆去睇番場世界波。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版