您的位置: 首页/八友集/國仔陪葬 美中貿易戰開打

國仔陪葬 美中貿易戰開打

July 11, 2018, 03:18 AM

  噚日睇香港“無記”,講一個美國中部種植大豆農民面對美中貿易戰,大嘆最受害,最無辜就係佢,成為貿戰犧牲品。對於特朗普冒天下之大不韙。友人大隻講說,鄧小平年代中國仍然係窮,威脅唔到美國佬,美國相信中國冇資格做美國對手。依家中國忍辱負重幾十年,國力漸強,終於成為全球排第二經濟體,美國就想要打沉中國。反觀1980年代,日本經濟起飛,超越美國。美國忍受唔住,就要逼日元升值,以至日本資產泡沫爆破,衰幾十年,衰到依家。而蘇聯時代,美國同蘇聯冷戰期間,發起軍備競賽,蘇聯承受不了,以至蘇聯解體,剩下而家俄羅斯,已不成氣候。

  研究經濟羅先生指出,中東伊拉克同伊朗曾經都係美國馬仔,俾美國控制住石油,但被苛索到反目。伊拉克想脫離美國,與其他國石油貿易協定中唔用美元做結算,結果被美國屈,話佢擁有核武,出兵打到伊拉克唔死都殘廢,連總統侯賽恩都殺埋,結果搵唔到大殺傷武器。伊朗同中國做石油生意,以人民幣做計算單位,正面威脅到美元作為“黑色黃金”必然貨幣霸權。所以美國要對付中國同伊朗。

  反觀世界國力,美國排第一,美國永遠唔容許排名第二國家威脅到自己,一抬頭就打。所以一定要搞到老二生不如死,呢個本來就係大美國國策。所謂倡導民主自由,全部都係假利器,依家已經被特朗普全部表現出來。反正中國打貿易戰又死,唔打貿易戰又死,邊個叫你做二哥。美國已經享受中國低平價產品利益,而自己國家已經冇中下游制造業。但高端產品,又唔賣給中國,咁樣貿易逆差肯定會大,又想天價勒索中國,貪得無厭。其實美國佬恩將仇報,08年金融危機,美債冇人買,即係冇人借錢俾美國。大陸拔刀相助,大買美債,幫美國度過危機。現時特朗普窮到發癲,肯定要中國。但世界已經變,中國國力已強大,已經唔係以前一窮二白。世界第一大經濟體同第二大經濟體打貿易戰,先陪葬肯定是其他國家仔。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版