您的位置: 首页/八友集/日例在前 貿易戰不得不打

日例在前 貿易戰不得不打

July 10, 2018, 01:48 AM

  日前同朋友吹完世界杯嘅水,話題一轉,講起特朗普座陣嘅美中貿易戰。老關說,今次貿易戰主要係特朗普以“美國優先為口號”,向全球國家宣戰,作為獲取佢喺美國中期選舉嘅選票目的。

  但之所以對中國如此大規模動作,主要原因係除咗大陸有錢外,中國要跟美國競爭未來嘅5S通訊技術之主導話事權。5S技術,美國仍未完全掌握好,但中國已宣佈技術成熟。根據國際規定,邊個先推出5S,邊個就有5S的主導權同製定規則權限。亦即係將會直接影響到通訊、航天、軍事等領域嘅主導權。所以特朗普甘願冒犯全世界,唔理WTO,都要同中國打貿易戰,而且特別針對中興同華為等中國通訊設備公司。

  維仔則認為,美國係世界上最無賴嘅經濟霸權,經常恃住擁有超強武器,到處掠奪。打著假民主面具,去侵略其他國家,製造紛爭,強奪第二國資源,石油能源就係一個好例子。美國已控制全球嘅石油,必須用美金作為買賣貨幣,否則就用武力去侵略。所有交易已在其中抽水,唔駛做事,已可以坐亨其成。更唔理自己國債天文數字,繼續先洗未來錢,唔夠錢用就搏嗮老命印美鈔,反正有華爾街一班友仔幫忙想辦法去經濟掠奪,欠幾多債都唔駛還。佢又話,中國絕對唔想打亦唔敢打貿易戰。有日本嘅例子在前,唔想子子孫孫嘅幸福俾美國佬操控,所以唔打貿易戰都唔得,因為走到懸崖邊,已經冇退路。

  東哥則說,5G技術唔係大陸領先,只不過係叮噹馬頭,中國,美國,日本,韓國各有領先,唔係再一面倒。但喺集成電路,軟件,中國仍要依賴外國,目前冇得鬥。問題唔係喺呢度,如果美國要喺某方面制裁大陸,其他國家唔敢唔幫忙先至攞命。依家只係第一波,美國佬先睇大陸嘅應對同各國反應,遲下可能一浪接一浪。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版