您的位置: 首页/八友集/最怕造波 俄世足誰領風騷

最怕造波 俄世足誰領風騷

Jun 13, 2018, 02:17 AM

  俄羅斯世界盃明天揭幕,鍾意賭波之人將儲備充足“彈藥”,希望日進斗金。當然,日進斗金嘅係賭波集團。全世界外圍賭波集團已蓄勢搶食“肥肉”。據香港賽馬會一份研究報告指出,非法外圍集團不斷“進化”同擴張,形成龐大產業鏈,近年更主攻網上市場,“引誘”大量後生賭客先賭未來錢。每年全球非法賭博投注額高達三萬億美元,呢個唔係天文數字,乃係地獄數字,難怪賭團無懼警方雷霆行動。聽講,全世界八成以上非法賭博活動都係喺亞洲;非法賭博利潤最高嘅十個國家或地區中,七個喺亞洲,中國排名第一,細細個嘅香港都排第四。難怪唔少人話香港人爛賭。

  既然有波賭,會唔會“造波”(假球)?“世界杯喎,都咁大胆造波?”八友以前一直都咁認為世界杯係神聖嘅,“千金不賣”,點知原來“萬金就賣”。1988年世界杯決賽,巴西對決法國,森巴軍團粒粒星,全世界賭波嘅人盲嘅都賭巴西嬴。點知開赛前一曰,大羅“急病”入院,第日“扶病”出戰,“三叉戟”加埋一對鐵衛,全場竟然唔射門,結果3比0輸俾齊達內領軍嘅法國隊。據知,開賽前幾粒鐘,香港賭波集團已收到風,買巴西嬴波嘅,多多都殺起。自從呢一屆後,睇得出每屆都有“做波”,造得最多嘅就係“足球王國”巴西。有輸到眼光光嘅爛賭二說:“巴西佬踢波會轉彎?!咁好波,點會輸,輸親就係造波。”八友懷念以前“乾淨”嘅世界杯,特別係1966年英國捧杯嗰一屆,衛冕嘅巴西波對保加利亞,比利俾對方追住踢,傷到抬出場。首次入決賽圈嘅北韓,竟然殺入八強,令人眼前一亮。朝鮮領隊牙擦擦:“我隊係嚟爭冠軍,唔係嚟學嘢嘅。”唔好彩,八強賽對葡萄牙時,輸喺尤西比奧腳下。“咿!中國幾時先至有戲唱呢喂?”

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

NYC VOTE
关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版