您的位置: 首页/八友集/解除泳裝 美姐選舉怕#MeToo

解除泳裝 美姐選舉怕#MeToo

Jun 12, 2018, 01:36 AM

  選美比賽多個環節中,比基尼泳裝係重要嘅環節。不過,差唔多有百年歷史之“美利堅小姐”(Miss America)選美比賽將取消呢項泳裝項目。主辦單位早日宣佈,今後比賽將唔會以參賽者嘅外表做為評比條件,更歡迎唔同身材、體型嘅女性踴躍參加。除咗取消泳裝項目。晚禮服項目同樣都會放寬限制,參賽者可以自行選擇上場時想要穿著嘅服飾。冇咗比基尼,以及參賽者可自行選擇衣著穿搭,咁嘅改變會唔會徹底改革美利堅小姐比賽?唔少專家都有疑問。倒如開業嘅心理醫師馬耶Mayer,佢認為取消泳衣項目系“好主意”,而且為呢項活動樹立良好典範,但選美就係選美,咁樣做恐怕唔會達到預期效果。

  點解“美利堅小姐”取消“選美”呢個名詞而改為另一外名詞“比賽”呢?相信心水清如八友者都知,係受到風靡全球#MeToo嘅影響。因為依家好多女性衹要想起幾十年前俾前街坊,喺社會上略有名氣嘅X先生用眼神“強奸”過,就會跳出嚟指控#MeToo。由於#MeToo呢個雪球越滾越大,“美利堅小姐”選委會為怕麻煩,索性取消吸睛嘅泳裝環節,一於“斬腳趾避沙蟲”。此外,佢哋可能又想起以前亞洲電視臺舉辦嘅“亞姐”比賽,曾經改例,准許年齡60歲以下女性參賽,結果改例後第一年選出47歲嘅大媽宮雪花為冠軍。結果正唔正常唔重要,但宣傳效果已經達到。友人大隻講說,靚嘢係俾要俾人欣賞嘅,而女性穿著泳裝,就係將自己美好身段展示於人前,並且同其他佳麗一較高下,主辦方唔應該以有色眼光視之,否則係無私顯見私。“改變遊戲規則後,不如改稱為美利堅才女比賽啦!比較貼切。”

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

NYC VOTE
关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版