您的位置: 首页/八友集/遊民泛濫 異味充斥紐約市

遊民泛濫 異味充斥紐約市

Jun 11, 2018, 01:34 AM

  體臭有點得人怕?各人有自己嘅唔同感受。但體臭竟然可以令到飛機逼降,就唔到你唔寫個服字。事件發生喺嗰幾禮拜前,Transavia航空一架飛機從荷蘭准備飛去西班牙,途中有個搭客好似成世人未沖過涼,身體散發惡臭,令到佢周圍乘客相當痛苦,嚴重到有人被臭到噁心、嘔吐。為咗避免影響乘客,機組人員唯有將呢個體臭男隔離喺廁所,機長將飛機暫時降落葡萄牙一個機場。飛機降落後,有目擊乘客話該名體臭男子隨即被醫護人員帶走。

  “呢條友唔知自己有異味嘅咩?自己香定臭,聞都聞得到啦!搞到飛機要逼降,嗰張帳單要俾過佢囉!”友人大隻講說。八友認為,條友可能味覺仲差過“冇味神探”,唔知自己身體異味臭死人。又或者佢信奉某種宗教,一生只會喺出生、結婚、上天沖三次涼,加上有驚人體臭,四週圍嘅人咪唔好彩囉!細個時候喺香港,電視臺廣告中有一種藥噴劑,叫“窩多露”,係用嚟清除臭狐等體臭,唔知對上述仁兄有冇幫助。否則,為己為人,動個手術亦佳。大隻講又說,對於體臭,紐約客體會最深,因為紐訋市自白思豪上臺後,紐約嘅流浪漢有增無減,佢哋散發出嘅身體異味,已涵蓋全市每一個角落。“你咁講即係歧視浪民啫!”“並無此意,而係有嗰樣,講嗰樣。”“市長大人,你點睇。”

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版