您的位置: 首页/八友集/ 夠膽穿否 露股牛仔褲上市

夠膽穿否 露股牛仔褲上市

May 16, 2018, 00:37 AM

  有咁樣一個故事:身穿最時尚牛仔褲嘅4個美眉帶住公司嘅扶貧金到農村捐款。臨走前,一個婦女塞咗200蚊俾佢地,含住感激淚水說:“小朋友,你哋窮到褲不蔽體都有行善之心,我哋真係好感動。嗱!俾你哋每人50蚊,買番條褲穿著啦!”呢個并非笑話,而係真有其事。依家嘅牛仔褲潮流,千變萬化,令人瞠目結舌。而最近,知名嘅專業牛仔品牌Carmarthen Demin更大膽創新,除咗膝蓋頭同側邊嘅布料,其他部分都挖空,下半身連底褲都見到,幾乎全部裸露,而價錢更得人驚,168蚊美金一條,男女同價。先睹為快嘅網友紛紛議論:“呢條褲到底邊個夠膽穿呀?”

  八友細看模特著起呢種牛仔褲嘅模樣;男版嘅係一個大肚腩大叔,詐睇唔到。女嘅係年輕女模,但見玉腿修長,打出屁股,極盡暴露之能事。唯一能遮掩身體部位嘅係10.5英吋長嘅拉鍊,留下想像空間太少。講真,係冇幾多個女性會著起招搖過市。相信只有兩種女人會敢於著出街:一種係勇於表現自己嘅靚女,覺得美態要同人分享。另一種係醜婦,自覺自己冇地方吸引人,唯有希望靠奇裝異服,露肉去誘人。但往往適得其反。八友經常係街上見到長髮披肩,穿著超短迷你裙,年過半百嘅婦人自我感覺良好。而著住爛牛仔褲嘅五六十歲女人,更係見怪不怪。友人大隻講說,牛仔褲幾乎係每個人都有嘅休閒服,著上去令人馬上有年輕感覺,點知設計師江郎才盡,做出只有寸縷嘅乞兒裝,當初發明牛仔褲嘅人見到咁,一定話“冇眼睇咯!”

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版