您的位置: 首页/八友集/服裝革命 港龍空姐想穿褲

服裝革命 港龍空姐想穿褲

Mar 13, 2018, 01:38 AM

  經常搭飛機嘅讀者有冇留意到空中小姐嘅衣著,都係上穿西裝,下著齊膝或小小迷你裙子,展示美腿,盡現個人美態。不過,聽講已經有幾間航空公司准許旗下空女姐改穿長褲。而最近,國泰航空全資附屬公司國泰港龍航空本月中同港龍空勤人員協會進行年終談判,協會向資方提交建議書,其中包括要求公司容許空姐喺寒冷天氣下選擇穿長褲或裙當值。理由係香港今年寒冷日子特別多,唔少空姐反映著裙上班好難頂,又舉例話亞洲區已陸續有航空公司解除禁褲令,包括大韓航空及韓亞航空。認為空姐穿褲除咗方便工作,亦美觀大方。

  港龍會否答應協會要求,仲係未知之數,不過根據以往慣例,衹要唔涉及錢嘅問題而又無傷大雅,資方大多數會OK。不過,友人大隻講則謂呢項要求萬萬不可答應,因為穿裙乃係女性之專利,一條裁剪得體嘅純色裙子,可盡演美態。而著褲番工,則有女強人性格,少咗親和力,搭客未必接受。八友亦覺得此言有理。何不穿旗袍上班?旗袍乃係中國特有服式,一件手工好嘅旗袍,可以將女姓嘅玲瓏浮凸身材盡現無遺,而且有一種高雅感,華航嘅空姐就係著旗袍上班,搭過華航嘅人應該有呢種感覺。當然,穿乜服裝都在其次,最重要係飛機座位舒適,食物可口,空中服務員親切。有咗呢幾點,懶理空姐穿乜衫褲呢!

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版