您的位置: 首页/八友集/ 褻瀆神靈 功德箱偷不得

褻瀆神靈 功德箱偷不得

Mar 9, 2018, 00:46 AM

  據《僑報》報導,有小偷小賊近日睇中餐館嘅貼士箱,即係放喺收銀機旁邊,方便顧客俾打賞嘅透明罐仔。佢哋等店員擰轉頭做嘢時,一手將裝錢嘅罐仔搶走,拉開門就走人,非常方便。呢啲錢係店員服務費,受害者不甘損失,報警求助。警方已介入調查。友人大隻講建議店員一見罐內有紙幣就拎走,可避免“引賊犯罪”。八友則認為,罐仔內有十張八張一蚊紙,係向顧客暗示佢哋嘅服務得到人客讚賞,小費奬勵,鼓勵大家樂善好施。防賊之道衹有將罐仔用強力膠黐實,賊人冇可能一時之間拎走。

  講起偷貼士罐,日前睇到一條大陸新聞。有個鍾意買六合彩嘅高姓賭仔瞄準寺廟嘅“功德箱”,竟然潛入海澱寺院內,將箱內錢財全部偷走,都唔少?!有成4千幾蚊。事後被捕。落口供時,佢話覺得呢啲香火錢有靈氣,如果用呢啲錢買彩票有好大機會中大獎。當然,條友係謊話連篇,但令人聯想到寺廟係財源廣進之地。八友旅遊時去過大陸好幾處寺廟,發覺每間殿堂都放有幾個功德箱,“入廟拜神”乃係一種禮貌,行禮之後少不免放錢落功德箱內,亦係應有之態度。八友雖然唔係佛教徒,都不失禮數,其他婦女信徒更加唔在講。難怪有視頻介紹寺院擇吉開功德箱時,錢財堆積如山,和尚數錢數到手軟。無怪乎唔少人羨慕寺廟唔駛報稅,豬籠入水矣!

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版