您的位置: 首页/八友集/安全緊要 埋怨司機不運行

安全緊要 埋怨司機不運行

Feb 12, 2018, 02:28 AM

  年近歲晚,驚聞香港發生嚴重車禍,一輛幾乎滿載啱啱喺沙田馬場一試手氣搭客嘅雙層巴士遭遇飛來橫禍。一聲急剎車後,呢部巴士喺新界大埔公路上失控側翻。18人當場死亡,60幾人受傷。司機喺車身中爬出來到尾部救助受傷乘客,有啲傷者亦爬上車頂,幾個流血嘅乘客又驚又嬲想要毆打司機。後來有人報警,警消同救護人員好快到場處理。香港特首林鄭月娥頭都大埋,立即吩咐妥善處理呢件事情。點解肇事司機呢次揸車會快到冇譜呢?有搭客說:"司機遲到10分鐘,好多人都埋怨佢,條友就唔高興,然後就好似開飛機咁,轉彎都唔剎車。"原來係坩。司機係咪喺馬場輸咗馬,冇心機因而遲到。

  八友想起舊年11月與朋友遊張家界,喺景點坐麵包車落山,嘩!司機開車好似舞龍咁舞,彎路多又唔剎車。喺加拿大做修車嘅泰哥開駡,話自己唔想死,要求司機開慢啲。最後司機妥協,全車人拍手鼓勵。安全抵埗後,泰哥多謝司機,讚佢從善如流:"我手車唔俾你差,但安全第一。"

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版