您的位置: 首页/八友集/ 朱經緯案 香港治安亮紅燈

朱經緯案 香港治安亮紅燈

Jan 12, 2018, 01:38 AM

  最近睇到兩單警察被控過份使用武力新聞,分別發生喺台灣同香港,但判罪卻有天淵之別。先講台灣,有個張姓員警因為有司機高速開上人行路而鳴槍示警,結果被檢察官起訴,起訴書指張警 “冇接獲通報就前往現場”及“雖然車開上人行道,但並冇撞到人”。官司打咗5年,外界認為張警今次死硬,因為台灣地區好多“恐龍”法官專門針對警察。點知日前宣判張警無罪。曾譔文“警察,別再追了!”批評司法不支持警察,指出:“我睇到被司法霸凌嘅員警,多被檢察官、法官們以未達急迫性、逾越比例原則,將依法執勤嘅員警起訴判刑”嘅亞洲警察學會秘書長葉毓蘭喺臉書叫好。曾遭遇類似情況嘅警察亦表示“拖延5年遲來嘅正義!給承審法官跟張景義警員鼓鼓掌!”網友更係一面倒地支持。

  再講香港,“佔中”期間遭參與者曾健超潑液嘅七警被判兩年重罪,已引起社會各界議論,認為刑罰過重。日前,即將退休警官朱經緯喺佔領暴動期間執行職務期間,揮動警棍打到一名自稱路人嘅男子而被控,最終被判刑8個月。朱Sir黯然地指:“如果我知道會因為執行職務,會好似今日咁,要坐喺度為自己辯護···如果我可以揀,我寧願當日佢哋要佔馬路,就畀佢哋佔馬路。”

  朱經緯之無奈,亦係希望香港能夠安定和平人士之無奈。香港自回歸後,一小掇仍有殖民主義心態者仲係癡戀昔日風情,做出令絕大多市民不齒之事,以至前線執法者飽受其害。好似朱經緯案,社會普遍認為判社會服務令足矣!但判入獄,實在矯枉過正,難怪早個禮拜香港出現7000人遊行抗議,高竪“狗官”示威牌。警察員工協會放言按章工作。如果真係咁,香港治安一定亮紅燈了。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

NYC VOTE
关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版