您的位置: 首页/八友集/「市長」選戰 伍銳賢要創歷史

「市長」選戰 伍銳賢要創歷史

Jan 11, 2018, 01:05 AM

  “我要創造臺山寧陽會館歷史,成為三任中華公所主席。”下屆“華埠市長”候選人之一伍銳賢日前到美東聯成公所拜票,受到在場三四十人歡迎。佢話寧陽會館衹有兩個曾經做過兩屆中華公所領導人,而擔任過兩次中華主席嘅佢,想打破歷史。喺邊兩個?佢冇講,但八友記憶中,係梅伯群、許澄宇。八十幾歲嘅梅伯群落任後幾日參加梅氏公所春宴,翌日醒來,喫過早點,覺得有啲頭暈,入房上床小憇,就咁安然而逝,有人話係前生修來之福。許澄宇近幾年較少出現社交活動,但有時遇見佢,見佢身體依然硬朗,挺住,有機會做三任中華主席?!

  講番下屆中華公所主席角力戰,有僑情分析家表示,伍銳賢有自己嘅生意,一大早番辦公室搞掂就去中華公所上班,過去兩屆都係咁,佢游仭有餘。而佢嘅對手陳庭威有自己工作,論喺僑社嘅知名度,稍遜老大哥,故估計係“陪跑”角色。但又有“包抝頸”認為未必。因為極少有中華公所主席候選人周圍拜票,而伍銳賢今次打破慣例,可見佢重視對手,全力而赴。因此,今次選戰係有得打。喺拜票過程中,伍銳賢同南順同鄉會主席朱超然特別好傾,原來佢哋1971年已經相識。當年勿街16號頂層四樓有兩個單位,伍銳賢喺德明校友會嗰邊,對面則係中華之友社,朱超然喺該社樂器高手。據八友所知,中華之友社散Band後,美華體育會租用,其後該會俾一個功夫師傅教學生之用,點知1992年中旬,有社團大佬施壓,話要地方俾佢班兄弟使用。體育會無奈,只好叫師傅退出。不足一年,該社團大佬惹上官非,佢班兄弟星散,業主中華公所收番地方,後租俾某同鄉會至今。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

NYC VOTE
关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版