您的位置: 首页/八友集/商機無限 大小頑童應分錢

商機無限 大小頑童應分錢

Jan 9, 2018, 01:42 AM

  邁克爾·沃爾夫原定下週二上市嘅《火焰與烈怒:特朗普白宮內幕》提前發行,好多書店門外排起長龍,部分書店開門15分鐘,呢本書就賣嗮。如果唔係特朗普事前話要申請禁書令,相信呢本八卦書唔會咁好賣。有人懷疑:會唔會係總統先生同作者一早講好咁做,要等《火焰與烈怒:特朗普白宮內幕》賣到“洛陽紙貴”,然後兩人分錢呢?咁就不得而知。

  新書指特朗普鐘意威,精神狀態唔穩定。佢當然反駁,話自己可以做到比美裏根總統。“得唔得呀!”友人大隻講語唔得,佢話特朗普係細路仔心態,好似較早時北韓領導人金正恩放話佢張檯上放有核武按鈕,全美都係佢嘅核彈射程內。點知特朗普條氣唔順,喺推特上砲轟回嗆“我都有,而且比你嘅更大、更強。”全世界人紛紛取笑國家領導人好似細路仔鬥威,老頑童與小頑童,兩個都唔成熟。不過,大讚特朗普嘅還大有人在。就係速食店“肯記”,佢哋嘅愛爾蘭分店,立即“打蛇隨棍上”大喫大小頑童豆腐,喺官方推特發文稱“麥記嘅領導說‘佢張枱上一直有漢堡’,好心嗰個人去跟嗰位著大鞋、紅鼻子嘅傢夥講,我嘅枱上都有漢堡,而且我套餐裡嘅漢堡更大、更強,還有肉汁”!呢篇貼文複製特朗普發言精髓,而且大膽喺貼文最後直接標記關鍵字#nuclearbutton(核子按鈕)。聽說知道呢篇貼文嘅民眾都忍俊不住,力讚商家頭腦比領導人靈活,最後忍唔住去食下麥記,又食下肯記,試下邊個嘅漢堡又大又多汁。不過,八友寄語美、朝領導人,民間可以試食,你哋千萬唔好試按鈕,因為會出人命的啊!

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版