您的位置: 首页/八友集/粉絲瘋狂 歌影明星唔安全

粉絲瘋狂 歌影明星唔安全

Dec 4, 2017, 23:59 PM

  37年前,披頭四之一約翰列儂喺曼哈頓住所附近俾個瘋狂粉絲開槍打死。兇徒供稱約翰列儂係屬於佢嘅,為咗永遠擁有,唯一方法就係要將約翰死於自己手中。此言一出,所有歌手都提高警覺,多請幾個保鏢。早前,歌手泰勒遭遇男粉絲瘋狂追逐,條友一日之內撥打泰勒嘅經紀人電話多達60次,並且跟蹤去泰勒位於翠貝卡嘅公寓。然後一個禮拜之內,嫌疑人隔兩日一次敲泰勒家門進行騷擾。檢察官稱嫌疑人無視遠離泰勒之要求,乃將其逮捕。不過,由於嫌犯精神狀態有問題,暫時將佢送咗去州精神病院。雖然嫌犯入咗精神病治療中心,但遲早會“回復正常”,對泰勒生命始終係威脅,就算佢多請幾個保鏢,但泰勒在明,嫌犯在暗。“明槍易擋,暗戰難防”,到時豈非大鑊。難怪唔少公眾人物說,冇粉絲即係自己冇料到,但粉絲多起上嚟,其中有啲過激嘅話,都咪話唔頭痕。八友想起劉德華有個超級女粉絲楊麗娟,而十幾年前楊之父母陪愛女追到香港,但未得見劉天王之面,楊父竟一時衝動,跳海自殺身亡,遺書要求劉德華睇下佢個女。至於為偶像結婚而自殺,徹夜守候喺偶像屋企嘅事件更多不勝數。而最無辜嘅要算係列根總統。1981年3月30日,裏根喺華盛頓希爾頓飯店召總統開嘅一次勞工集會上發表演講後,準備進入防彈車時,有兇徒突然衝上前去用手槍向總統連開6槍,裏根當即胸部中彈負傷。喺咪暗殺行動?唔係,講起嚟令人吖大個口,哭笑不得。原來兇徒睇完“的士司機”呢部電影後,對當時嘅尚未成年女主角茱迪科士打喜歡到發嗮狂,但次次寫情信都冇回覆,終於想出“為你做一單驚天動地嘅大案,要你知道我係邊個。”刺殺總統,夠唔夠大?

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版