您的位置: 首页/八友集/ 利用權勢 性侵犯無恥之極

利用權勢 性侵犯無恥之極

Dec 4, 2017, 01:13 AM

  大家有冇留意,性騷擾、性侵犯呢把火越燒越熾,已經燒到香港。有“學界欄後”之稱嘅呂麗瑤,趁23歲生日時,喺佢社交網站臉書譔文,講自己10年前嘅某日,受佢尊敬嘅教練Y邀請到其家中按摩大腿,以放鬆肌肉,當時佢認為事件正常不過,"點知教練除低我嘅牛仔褲同內褲,摸我下體。"阿呂話將真相講出嚟係一種解脫,希望呢篇文能夠“觸動更多受害人揭開施暴者禽獸真面目”。"今次係因為倫敦奧運體操金牌女將瑪朗妮( Maroney)嘅啟發,令我勇敢面對過去。"

  有人懷疑呂麗瑤所講真定假。因為已經係十年前嘅事,到依家先講出來,真實性值得懷疑。不過,相信大多數人都會同八友一樣,認為事件無可疑。因為香港喺呢方面仲係一個比較保守嘅社會,遭受性侵犯或性騷擾,往往難以啓齒,何況阿呂已成名,一旦爆咗出嚟,社會人士點睇佢,男朋友仲愛唔愛佢?但點解佢又跳出嚟指證呢?正如佢所講,係受到奧運金牌女將嘅啓發,就係唔想施暴者繼續加害其他人,唔想有其他受害者。所以,“呂麗瑤,好嘢!”從女運動員被性侵事件,可以睇到有啲人利用自己嘅專業同權力,對弱勢群體進行不當行為,相當可恥。曾聽一個做電影嘅朋友講,最明目張膽嘅性騷擾就係呢一行。例如拍三級片徴求脫星,就有大把自問樣靚身材正嘅女性報名。試鏡之時,一聲“除衫睇下係咪波濤洶湧,抑係波平如鏡。”應徴者莫不騷首弄姿照辦。就算落選,亦欲告無從,衹能怨自己差一截。當然,性侵犯並非男人專有。最近美國就發生兩單女教師色誘多名男學生事件。總之,不論性侵犯男或女,一定要嚴懲,以遏歪風。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版