您的位置: 首页/八友集/人情如債 利用婚禮賺一筆

人情如債 利用婚禮賺一筆

Nov 14, 2017, 01:20 AM

  八友上個禮拜喺香港同班以前一齊學功夫嘅兄弟茶聚,知道有個大師兄擺七十晉五生日酒,佢聽聞八友在港,乃通過小師兄邀八友赴宴。八友好耐冇喺香港赴過筵席,況且與師兄弟敘舊,睇醒獅賀壽,功夫表演,重溫數十年前參加教頭壽宴情懷,亦一樂也。但心想“做幾多人情好呢?”請教兄弟們,知道生日酒有別於結婚酒,封380蚊利是即可。“你係金山阿伯,封500蚊啦!費事俾人話你孤寒。”想起幾年前有個香港靚妹結婚,怕人做少人情,竟然喺網上發文,敬告接咗“紅色作”嘅親朋好友,赴宴時人情每人唔可以少過500大洋,結果俾人鬧爆。

  八友呢排都接過好幾位武林朋友週年紀念“英雄帖”,每次一張百蚊紙冇走雞,當然相熟嘅親友則利是大封啲。據知,有啲人利用宴會大撈一筆。嗰日睇新聞,報導有一對老番新人訂於2018年6月結婚,佢哋竟規定每個賓客必須要俾250蚊或以上禮金。這對慳錢又想賺錢嘅夫婦已經計劃好盛大嘅婚禮,將持續3個晚上。新郎哥說,這筆禮金包括期間一切項目,包括菜單、酒水,甚至別墅嘅按摩中心和游泳池。當然,接到請柬嘅親友非常不滿規定嘅高額禮金。面對各種質疑,新郎哥堅持自己理念,責示客人參加佢哋嘅婚禮就好似週末度假一樣,一定賓至如歸。睇完呢條新聞,想起“世界難撈”呢句話。大家都聽過“人情緊過債”此說,如果每個月接幾張“紅色炸彈”,對打工仔來講,就係一筆頗大開支矣!

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版