您的位置: 首页/八友集/男女有別 按錯部位好大鑊

男女有別 按錯部位好大鑊

Nov 13, 2017, 02:13 AM

  古語“男女授受不親”,唔好以為迂腐。足浴按摩,男技師如果為女顧客推拿,一定要小心,有如履薄冰之心,否則喫不完兜著走。嗱!日前長島一間按摩店嘅華人技師岳某就惹上官非。呢位技師為一個未夠20歲少女按摩後,被報警指佢按摩時進行猥褻,依家被控一項未持有執照按摩罪及一項三級性侵罪。按摩院嘅老闆話岳某有啲寃枉,因為嗰個報案女仔係同另一個女生一齊來做背部按摩,兩人做完按摩埋單時,兩人當時並冇不滿。點知走咗冇耐,其中一個女生走番嚟話佢朋友講被按摩師猥褻。後又話該店開業以來,口碑唔錯,岳某做咗一段時間,都冇客人投訴。

  友人大隻講係睇完呢條新聞後講俾八友知。佢仲話:“岳某今次一定走唔甩。”“點解?”“你知唔知岳某先祖岳飛點?”“莫須有咯!”“咪就係咁囉!”玩笑歸玩笑,為女性按摩仲係女技師為佳,假如女顧客指定男技師做,則有個女性在場幫眼。八友亦喜按摩足浴,唐人街呢類店多不勝數,但自己一年幇襯唔到一次,因為直覺認為有啲所謂技師係濫芋充數,而且價錢偏貴。不過,每年到大陸香港旅遊,一定隔日去做一次。特別係大陸,與男女團友一齊到正宗名店洗腳推拿,價錢平過紐約兩倍,技術一流。上兩個禮拜喺香港拉埋團友華哥到深圳羅湖城商場,經過一間透明按摩中心,老闆娘走出拉客,話每小時30元,小費另計。八友拉華哥入去,佢起初唔制,話佢個細侄喺紐約上咗癮,每個禮拜做一次。佢唔想上癮。八友理得佢,推佢入去,坐定之後,老闆娘先至話按摩費同小費對衝,亦係30蚊。“都係平啫,紐約要三十蚊一粒鐘。”又係北京轉機時,百無聊賴,走去“足道店”,今次請按摩椅服務,45蚊半粒鐘,都OK。“買番張都好喎!”心諗。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版