您的位置: 首页/八友集/整容整型 歪風吹遍陸港台

整容整型 歪風吹遍陸港台

Oct 13, 2017, 02:21 AM

  有唔少網民感嘆:大陸女仔嘅錢都俾韓國整容醫生賺咗去,而最慘係整到後遺症就弊傢夥。八友日前閱八卦新聞,就有一單整容整到慘過遊刑。新聞圖片中有三個女仔頭上綁著紗布,臉部腫脹,樣貌睇起嚟有啲怪異,佢咃拎住護照喺韓國機場等搭機,明眼人一睇就認定佢哋整容手術冇耐,仲未“康復”,因此航空公司必須再確認身分,冇法,衹有耐心等待。網友紛紛留言:“陰功,你老母都唔知道妳係邊個囉。”仲有人話:“啱啱整完容可以坐飛機咩?”又係,雖然整容醫院都會為客人準備整容證明書,但航空公司亦有因應方案,好似東方航空今年7月就發布《關於明確近期接受過整容整形手術旅客乘機要求的通知》指出,接受過整容、整形手術嘅旅客須在術後15天先至可以坐飛機。

  整容喺現今世界已經非常普遍,而整容大國以前係日本,但早已讓賢韓國。大陸港台嘅女仔對去韓國“開刀”,趨之若鶩,聽過不但醜女要去整,連女都想更去整,好多時整到唔及以前咁,喊都喊唔番。最可怕嘅係大陸男仔都爭住去“開刀”,要整到似某某韓星,結果整出一批男生女相嘅所謂“小鮮肉”,娘聲嗲氣,毫無男子氣慨,搞到娛樂圈吹起一遍歪風,睇唔過眼之士大呼“唔不欲觀之矣!”其實整容、整型有好大風險,特別係胸部“僭建”,隨時“爆煲”。有醫師認為,剛做完手術嘅人,喺術後短時間內乘機時,機艙內氣壓問題容易引起血壓波動,導致傷口裂開、出血,感染等併發症,確實唔係好啱坐飛機。有笑話講兩公婆生下BB,被人發覺奇醜無比,根本唔似老豆老母。原來兩個人都係經過“大裝修”。“身體髮膚,受諸父母,不敢絲毫毀傷”。喺呢代中國人,啋你都儍。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版