您的位置: 首页/八友集/容易賴嘢 拒絕金牛成常規

容易賴嘢 拒絕金牛成常規

Oct 12, 2017, 01:16 AM

  番香港旅遊嘅讀者兌換港幣,會唔會指定或否定要俗稱“金牛”嘅1000蚊紙?摣住“金牛”,有多少身份象徴嘅意思。但全牛容易造假,因此香港有唔少消費場所都會貼出“拒絕金牛”嘅指示牌,店家係唔想逐張銀紙花時間驗屍咁驗。問大家一個問題,最叻識別銀紙真定假係乜嘢人。如果答係銀行職員,咁就唔啱,應該係賭場打荷。

  有個內地採購經理,較早時喺澳門一家賭場涉嫌用九張港幣“假金牛”,係有個醒目荷官發現該批銀紙都係兩組相同編號,於是通知保安報案,司警到場將嫌犯拘捕扣查,以及追查假鈔來源。嫌犯被捕後訛稱,佢今年七月到澳門同一賭場賭博贏咗一萬9000港銀,當日將錢帶回內地。至本月一日,將贏到嗰筆錢再帶來澳門搏殺,又聲稱自己真係唔知道當中有假銀紙。

  究竟係賭場輸咗俾假銀紙抑係呢條友換假錢去賭搏,有待調查。但好多商家唔接受“金牛”,就係鐵一般事實。八友每次番香港,都覺得港幣好混亂,除咗“金牛”,又有“大牛”(500元),紅衫魚“100元”,50蚊、廿蚊、十蚊等紙幣。仲有散銀5元、兩元、一元、5毫、兩毫、一毫等等,而店家幾乎都會拒絕收5毫以下錢幣,即係好似美國好多商鋪唔收一僊咁。試問港幣咁多花款,對旅客嚟講,係咪好亂?唔係賣花讚花香,始終覺得美金比較好用雖然有兩蚊紙幣,但唔流通,就係簡單嗰幾種。聽講幾十年前出過500蚊紙,後尾唔印,呢種紙幣,依家好值錢。諸者諸君有冇,有就借八友睇下摸下。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版