您的位置: 首页/八友集/入境問禁 旅遊警覺保平安

入境問禁 旅遊警覺保平安

Oct 11, 2017, 01:28 AM

  有人說去旅遊最怕到中東國家,因為嗰度禁例太多,一個唔小心觸犯,包保閣下“喫不完兜著走”。就以最近發生喺杜拜事件為例,就令唔少鐘意旅行嘅人提高警覺:話說27歲英國男子赫隆喺阿富汗做電氣技師。佢今年7月過境阿拉伯聯合大公國杜拜時,到市區一間飲酒,當時人潮壅擠,為防止啤酒潑灑出來,想將杯啤推入啲,點知唔小心隻手揩到一個男人屁股上。可能有人反應過激,報警處理。警察後尾將佢帶返警局拘留,唔准離開杜拜並且沒收護照。佢目前遭檢方起訴兩項罪行:飲酒以及公然猥褻。可能面臨三年有期徒刑。赫隆唔單止冇咗份工,仲要俾逾3萬英鎊法律費用。英國法律團體“杜拜遭拘留者(Detained in Dubai)”執行長拉塔?斯泰靈感嘆::呢件事講明遊客喺杜拜幾咁容易俾當局逮捕拘禁,法律訴訟程序又幾咁曠日費時。

  杜拜聽講係旅遊勝地,吸引唔少觀光客前往朝聖,八友亦考慮退休後揾個時間去行下,但睇完呢段新聞,真係有打退堂鼓之必要。因為自己外遊時都會同朋友上酒吧呷啖紅酒或飲杯啤酒,好話唔好聽,人來人往之際,好容易蘿柚撞屎忽,無心之失,講句“唔好意思”就冇嘢。嘩!原來喺杜拜唔係,要坐監三載,搞到連份工都冇埋。最難明嘅係喺嗰度飲酒都有罪,但點解杜拜有酒吧呢!豈不是有心裝人彈弓?八友認為赫隆好寃。有冇人睇過三四十年前一部叫“午夜快車”嘅好萊塢電影,講有個男人到某南美小國旅遊,入境冇耐就被屈犯乜罪物罪,幾経辛苦先至走甩。最近又睇到有人喺泰國機場行商店購物時被人暗中將商品放喺遊客衣袋或手提包裏面,然後有警察出現,要受害人罰500蚊,仲係美金先可以離開。事件應不是空穴來風,不法之徒明屈外 地人,政府蒙羞。告誡旅遊人士要提高警惕,最重要係入境問禁,否則有命出番嚟已成植物人,醫番都冇用啦!

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版