您的位置: 首页/八友集/爛銅廢鐵 和平奬自打咀巴

爛銅廢鐵 和平奬自打咀巴

Oct 9, 2017, 01:47 AM

  緬甸嘅翁山蘇姬落難之時,以人權、民權鬥士自居,受到盲目追捧人士膜拜,什麼大組織、大機構紛紛頒人權奬、鬥士奬俾佢,連什麼諾貝爾亦唔執輸送出個“和平奬”。翁姑來者不拒,攞奬攞到手軟。好嘞,到翁姑掌權,當場變成武則天,甚至慈禧太后,高高在上,唯我獨尊。但最近由於洛興雅穆斯林喺翁山蘇姬執政之下被種族清洗,受到前所未有之虐待,面臨滅絕。頒過奬俾佢嘅所謂民權民主人士痛心疾首,紛紛要求取消俾翁姑嘅奬項。首先發難嘅係英國牛津市議會日前無異議通過撤銷翁山蘇姬所獲牛津巿自由獎提案。工黨籍牛津市議員克拉克森喺提出動議演說中指出,牛津市的聲譽因表揚那些對暴力視若無睹嘅人而一毀於一旦。

  至於諾貝爾會唔會取消“一朝得志,語無倫次”嘅翁姑之“和平奬”呢?尚不得而知,聽講諾貝爾奬頒出去之後唔會收番,即係翁姑繼續係“和平大使”,唉!真個失Q敗。從翁姑攞奬,想起有啲中國大陸同香港人士因為專針對政府搞搞震,令到社會唔安寧。例如“佔中”三醜、學運廢青等俾幕後團隊推出嚟做嘢,目的只係想搞垮政府而已。當呢班友仔因罪入獄,搞亂派竟然妄稱政治逼害,將佢哋稱為政治犯。更有好事之徒要求諾貝爾頒番個“和平奨”俾黃痴瘋。八友倒赞成,因為諾貝爾和平奬已經冇嗮公信力,等諾奬再次沉淪,有何不可。


本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版