您的位置: 首页/八友集/天價採訪 OJ獅口冇人吼

天價採訪 OJ獅口冇人吼

Oct 6, 2017, 01:27 AM

  年青人有冇聽過前美式足球明星O.J。辛普遜嘅名?相信就算聽過亦唔知佢係乜誰。呢位仁兄喺1994年被控謀殺前妻妮可·布朗同其男友高玟,經過“世紀審判”後,被判無罪,但後來喺死者家人提起嘅過失致死民事訴訟中敗訴,被勒令賠償3350萬元。FBI鋤佢唔入,對佢咬牙切齒。好衰唔衰,冇耐佢被控持械搶劫坐咗9年監,日前先至出冊。聽講有人想寫佢案情同獄中生活。呢條友竟開價500萬。“嘩!佢估自己係邊個呀?好話唔好聽,係被控謀殺嘅監躉之喎。”結果真係冇媒體肯出價,包括ABC、CBS同NBC呢三大電視都話俾巨款違反新聞部門規範為理由拒絕。而其他有線電視公司亦也放棄呢個專訪機會。

  從 O.J。辛普遜呢次出獄後要求天價專訪,八友想起約27年前,香港有個婬棍錢志明利用不同化名,扮演皮條客、電影編導及富家公子等多種身份,以優厚片約、房車及金錢等利誘女藝人口交以至性交,多名女藝人被偷拍裸照及遭到勒索,有受害人不甘受騙,1990年8月報警,事件揭發後震驚全香港。法庭為咗保護受害人身份,頒令傳媒不得披露受害人資料,香港傳媒於是以A、B、C、D、E、X小姐稱呼6名女證人。其後錢某罪名成立,被判刑47個月。出獄前聽講有媒體想要採訪佢,用佢嘅故事拍電影。錢某開出過百萬元採訪費。出獄嗰日,記者跟隨報導,猶如名人,就喺傾採訪費期間,包括成龍在內嘅電影人呼吁媒體杯葛呢個人渣,污糟故事有傷天理,全城贊成。結果錢志明一個僊都撈唔到。讀者試想想,O.J。辛普遜同錢某都係屬於無恥之徒。你話O.J。冇殺前妻,打一句問一句,八友都話“唔信”。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版