您的位置: 首页/八友集/ 妄言港獨 刑事起訴阻破壞

妄言港獨 刑事起訴阻破壞

Sept 11, 2017, 01:48 AM

  嗰日睇香港電視新聞,香港教育大學校長張仁良面對媒體,語帶哽咽公開道歉,表示深感內疚。八友亦不禁惻然。

  事因教育局副局長蔡若蓮大仔疑受抑鬱症困擾7日墮樓身亡,教育大學民主牆當天驚現“恭喜”刻薄大字報,懷疑張貼標語嘅兩名年輕男子容貌被閉路電視鏡頭拍下,香港教大表明會徹查事件。涉事兩人受千夫所指,教大校長張仁良直斥兩人行為“完全超越人性道德底線”。可悲嘅係,教大學生會竟以“言論自由”,製造“白色恐怖”等妄言反駁。連反對派都力斥大字報冇人性,學生會居然逆向而行,大佬,將來佢哋為人師表?!試問家長會放心俾仔女佢哋教咩!“讀屎片”啦!

  讀者有冇留意,香港嘅大學學生會已經走火入魔,係唔係受“破壞鬼”從後搞鬼,不得而知,但肯定有問題。雖然基本法寫明“香港乃係中華人民共和國不可分割的一部份”,但幾乎所有學生會都宣揚“港獨”。若果唔係背後有人,乜都唔信。例如日前有前中大學生會會長周竪峰同反“港獨”嘅內地學生衝突,竟粗言穢語鬧對方“支那人”,立即引起反彈:“僕街,你都係中國人呀!”

  上世紀港人係港英統治下生長同接受英國殖民式教育,係唔容許公開發佈任何反英殖民言論,否則,失去學位甚至職業前途, 嗰陣時愛國之情如同“犯法”。香港回歸後,卻有別有用心者想亂港,搞三“港獨”。“港獨 ”損害國家主權同安全,損害香港繁榮穩定,亦損害香港市民根本利益。

  唔論“港獨”分子嘅主觀意圖能唔能得逞,都不應姑息養奸,衹要佢哋實施咗違反法律行為,造成社會危害,就應該予采取法律手段予以懲戒制止。有人認為將鼓吹“港獨”者以刑事罪起訴。八友舉腳贊成,“言論自由,幾許罪惡假汝之名而行。”必須將港毒這枚惡瘡揮刀切下,掃地出門。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版