您的位置: 首页/八友集/總統廁紙 打救美國等下任

總統廁紙 打救美國等下任

Aug 10, 2017, 01:44 AM

  亞馬遜(Amazon)近日有兩件大事。一係佢哋嘅CEO力壓蓋茨,成為世界首富。二係又同美國總統特朗普炒大鑊,被指駡專做假新聞。

  亞馬遜穀鬼氣,立即特製兩款廁紙上市。一款廁紙上面印有特朗普推特文字,每卷售價11.99美元。亞馬遜購物網站上仲有另一款印有特朗普嘜頭嘅衛生紙,每卷賣12.95美元。推文廁紙喺商品描述中提到,雙層衛生紙印刷的特朗普推文,係最啱“沖走”嘅文字。特朗普之前批評亞馬遜創辦人貝佐斯(Jeff Bezos)所擁有嘅《華盛頓郵報》報假新聞。他仲鬧貝佐斯以逃稅手段壟斷市場經營亞馬遜。不過,《華盛頓郵報》亦唔係食齋嘅,舊年推出一款裝喺Google Chrome瀏覽器上工具,可以俾使用者即時“檢查”特朗普推文嘅真實性。

  呢兩款廁紙售價如何?聽講推文嗰一款非常受歡迎,賣到斷市咁巴閉。但印特總尊容嗰種廁紙,報紙冇提到賣唔賣得,估計冇前一款咁好銷量。點解?因為雖說咁多人視特朗普為仇寇,但鬧下佢,燒下佢人像,OK。不過要將佢塊面貼住自己嗰屁股,雖然係抺屎尿,點都係唔爽,核突。大家記唔記得,美國打伊拉克時,亦有商家忽發奇想,將薩達姆嗰樣印落廁紙上,以示對呢條友之痛恨,想唔到事隔15年,美國商家又用呢種手法對待自己嘅元首。將佢哋兩個劃上對等號,相信美國民眾百般滋味在心頭。友人大隻講說,號稱第一大國嘅美國喺克林頓之後,漸走下坡,小布什唔駛講,打兩場仗,搞到國庫空虛。奧巴馬聲大冇准,美國原地踏步。到依家嘅特朗普,衹有笑柄。“美國再強大”,恐怕衹有等下任出現“救美主”了。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版