您的位置: 首页/八友集/退役有憾 博爾特落寞抱銅

退役有憾 博爾特落寞抱銅

Aug 8, 2017, 01:54 AM

  有“牙買加閃電”之稱嘅博爾特(Bolt)日前喺倫敦進行嘅世界田徑錦標賽男子100公尺決賽中以9秒95成績屈居第三名,而美國選手加特林(Gatlin)9秒92奪金牌,呢個成績,令博爾嘅粉絲傷心痛大哭。今年35歲嘅加特林比博示特大5歲,今次能夠嬴“牙買加閃電”,讓外界大跌眼鏡之餘,亦有唔少人對加特林不滿。因為加特林過去有兩次服用禁藥被查出而遭到禁賽嘅紀錄,所以決賽嘅結果,令不少現場觀眾不滿,替博爾特唔抵,喺加特林奪冠後發出噓聲,而媒體焦點亦唔係冠軍而集中喺博爾持身上,加特林反而被冷落。“博爾特,我哋支持你。”媒體同運動界齊為博爾特抱不平,壯哉!

  “美人自古如名將,不許人間見白頭。”30歲正係每個人嘅黃金年華,但對運動員嚟講,正係從高峰開始落坡,特別係跑步嘅田徑選手,已非者昔日笑傲群雄嘅身手可比。“咁點解博爾特會輸俾大佢5歲嘅加特林?會唔會又食咗禁藥呢?”友人大隻講有此一說。冇得問點解,因為比賽要睇臨場心態,現場發揮,“牙買加閃電”退役前之大戰,可能心情難免落寞緊張未定。至於加特林有冇死性不改,要等檢測報告先知,之前唔可以下妄語。講真,八友亦為博爾特婉惜,呢位田徑名將縱橫睥睨,技藝超群,退役之前放手一搏,如果嬴得金牌,可說係完美結局。惜事與願違,希望佢能夠係往後嘅400接力賽中能夠奪冠,金盆洗手都洗得OK。八友又想起2016年嘅奧運會,博爾特攞100公尺冠軍時,喺肯尼迪機場睇比賽嘅人興奮得大喊大叫,有人以為恐襲報警,呢種場面,幾何見過。“牙買加閃電”,你係好嘢。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版