您的位置: 首页/八友集/裙底風光 女人寶地勿窺拍

裙底風光 女人寶地勿窺拍

Jun 14, 2017, 00:49 AM

  熱天已到,又是男士們眼睛喫冰淇淋時候,因為靚女又好,醜婦又好,都會賣弄自己美好嘅美腿同雙峯。但記緊“眼看手勿動,否則唔止手指痛。”日前就發生兩宗“動手”狂徒喫不著兜著走事件。喺台北,31歲美籍女教師到新北市購物行街,突然覺得背後怪怪,轉頭一睇,只見一個麻甩佬鬼鬼祟祟跟喺後面,女教師低頭選購商品時,對方詐諦趴低地板偷窺裙底風光,女教師早有警覺,大聲喝斥,男子嚇得拔腿就跑。最後員警獲報調閱監視器畫面鎖定嫌犯身分,立即捉拿。又喺紐約,布碌侖男子傑克遜涉嫌將其手機伸到兩名女子裙子下方偷拍,呢條友其後被捕,

  被控告兩項非法監控罪,如果被定罪成功最高面臨4年的監禁,並有可能被登記為性罪犯。

  “乜係美國偷窺偷拍咁大罪?”友人大隻講問。咁又未必,據知曼哈頓地區檢察官辦公室早年發起一項運動,旨在提醒女性注意“裙下安全”。喺紐約,“未經當事人知情同准許下窺陰及拍攝行為”係重罪犯罪行為,但其他一啲州呢種行為仍係合法。“咁都得,邊幾個州呀!橫踮紐約咁熱,等我去見識下兼避暑。”大隻講說。此乃一處鄉村一處例,等八友査到後講佢知。佢又話,女人穿迷你裙、穿大露事業線T裇,都係想人留意下啫,所以其他幾個州認為偷窺偷拍無傷大雅,喺啱嘅,反而大城市嘅紐約咁保守,難明。八友則覺得,女士露肉,目的係展示自己美好一面,等人留意下佢哋,但“可遠觀,不可瀆玩”。如果被偷窺、偷拍,就係侵犯佢哋私隠,唔得。不過,建議保守嘅露肉女士們,喺身上當眼處貼上“不准偷拍本小姐裙底,違者送官究辦”告示,先小人後君子吖嘛!

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版