您的位置: 首页/八友集/鳥盡弓藏 炒魷魚未必壞事

鳥盡弓藏 炒魷魚未必壞事

May 12, 2017, 01:24 AM

  “飛鳥盡,良弓藏;狡兔死,走狗烹”。FBI局長科米日前被主子特朗普一聲令下:“番屋企瞓覺”。呢一招“?椒炒魷”真係無聲狗,咬死人。最慘當時科米去到洛杉磯對FBI內部人員發表演說。佢喺臺上演講嘅同時,背後嘅電視螢幕開始打出“科米被開除”嘅字幕(係咪好似電影橋段呢!)。科米起先以為有人整蠱佢,後尾幕僚人員確認屬實後,將佢帶到會場附近一間辦公室內,講俾佢聽確實已被特朗普炒咗魷魚。據現場唔願透露姓名嘅人士講,科米當時面紅耳,幾乎穀爆,整個狀況完全出乎佢嘅意料之外,不過佢最後仍然繼續完成演講。

  呢條特發消息喺八友番到屋企時,八女告知嘅。“科米喺舊年競選時再爆希拉裏電郵門,幇咗特朗普當選大忙喎!點解忘恩負義炒佢?”“特朗普怕科米查佢有冇勾結俄國吖嘛!” 八友搖頭,乃想起“鳥盡弓藏。兔死狗烹”呢兩句成言。講起炒魷魚,大家有冇咁嘅經驗?八友就有。最早一次係嚟美國冇耐,喺雜碎館“學識”點做企枱後,有次朋友介紹去紐者士一間好似叫瓊華嘅夏威夷餐館做禮拜尾,對住所謂夏威夷餐不知從何下手,結果做咗3個禮拜,經理叫八友下個禮唔駛番工嘞!做報館亦試過一次,1980年做第一份報紙時,八友撲心撲命,先做打字,後尾轉做黑房,再兼做編輯、記者,有時送報唔夠人,再跟埋車送報又點話。後來太上老闆唔知聽咗邊個太監嘅?言,通知老總暗示八友可以番屋企瞓覺覺豬。脫離苦海之後,八友得以重生。所以,炒下魷魚,都未必係壞事。就以科米嚟講,4年之後競選總統,打低舊老細,報炒魷之仇囉!

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版