您的位置: 首页/八友集/遲來春天 減電話費無反應

遲來春天 減電話費無反應

May 3, 2017, 01:27 AM

  對旅美嘅中國大陸人士嚟講,係一個好消息。新聞報導說,中國聯通宣佈自5月1日起大減價“一帶一路”區域國際漫遊費用,並同步涵蓋語音及數據業務。47個國家地區語音資費喺每分鐘3蚊以內。

  而直撥美國資費下降至每分鐘0.5元以下。中國電信亦不甘落於人後,發布“提速降費”重磅消息,5月1日起,將國際同港澳台長途通話費大減價,覆蓋北美、歐洲、東南亞、港澳台以及“一帶一路”沿線共計73個國家同地區,平均降幅達到90%。除咗呢兩間大公司之外,較早時中國移動亦宣佈5月1日起,大幅減低70個國家和地區的國際長途直撥資費。國際勞動節嗰日喺聯成公所同幾個來自大陸嘅記者朋友傾起呢種福利。佢哋嗤之以鼻,批評國際通話費大減價來得太遲。“依家邊仲有人打長途電話?!一早就用微信消息同視頻傾偈啦!”有人又說,中國三大電訊公司就係因為見到幾乎冇人打長途電話,咪做順水人情,減價俾你哋囉!邊有死錯人嘅。八友想起五年前到北京做嘢,拎住部手機周圍去問有冇啱自己手機嘅電話卡買,都說冇。最後用咗約20蚊美金買咗張當地電話卡,喺公眾電話亭插卡後,同八妻報平安,點知三四分鐘後,電話卡已經打完。嘩!搵笨喎。又記起約10年前,八女到香港施遊,喺酒店打電話同媽咪傾偈,紐約俾錢。講咗約15分鐘後,八友催快啲收線,電話費好貴?!後來收到賬單,120幾蚊,嘩!真係狼過華秀隻狗。以後喺香港從不打酒店電話,因為就算打本區電話,都要5蚊,香港電訊公司真係令人不敢恭維。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版