您的位置: 首页/八友集/夜市魅力 商改區應該再搞

夜市魅力 商改區應該再搞

Apr 21, 2017, 01:15 AM

  泰國被譽為最佳旅遊城市之一,去過泰國嘅人相信有同感;無敵海景、美麗海灘、名勝古蹟、泰式按摩或鹹濕按摩、友善民眾等等。如果唔係黃衫軍、紅衫軍耐不耐搞政治運動,去泰國玩,直頭冇得彈。泰國仲有一道好,就係美食,特別係街道小喫,令人流嗮口水,八友10年前去過一次,記憶猶新。

  不過,泰國曼穀市政府官員最近表示,為進行市容大整頓,所有主要街道將禁止設立路邊攤。消息一出,以路邊辛辣小喫聞名嘅美食之都悲憤莫名。政府官員說:“路邊小販太混亂,為咗秩序同衛生,一定要禁止”。做導遊嘅則絕望表示:“如果你剷除所有小販,等於將我哋自己嘅文化鏟除一樣。唔可以?兄弟。”

  的確,導遊講得啱,街邊攤販喺地方特色,秩序同衛生喺另外問題,衹要拎出解決方案,應該可以解決。假如一刀切,就有如“斬腳趾避沙蟲”,得不償失。

  曼穀嘅路邊攤就有如台灣嘅夜市、香港嘅廟街,都係充滿特色嘅地方。廟街曾經係藏污納垢,正經人唔敢去嘅地方。但呢個地方除咗鳮竇、煙格之外,仲有平靚正嘅美食、衣著、電子用品、醫卜星相、唱曲表演等。外來人如台北市長柯文哲等想見識真正嘅香港,就非到廟街不可。香港政府知道廟街不能取締,於是加以改造。喺暗巷遊走嘅妓女、毒販依家再唔敢明目張膽做買賣。而正常做生意嘅攤販,則生意滔滔,尤其係食擋,唔少老番排隊等位。

  講起夜市,唐人街兩年前由華埠商改區喺怡東商場旁邊搞過一次,相當成功,舊年則停辦。夏天將到,商改區嘅作舟兄有冇辦法請民選官員出面向市府游說出證再搞呢?最好整個熱天每個週末都有一次,難度係有,不過,你得嘅。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版