您的位置: 首页/八友集/歧視女性 高踭鞋堪比紥腳

歧視女性 高踭鞋堪比紥腳

Apr 18, 2017, 01:53 AM

  女性高踭鞋革命開始了。加拿大卑詩省政府日前宣怖,禁止該省老闆硬性規定女員工穿著高踭鞋番工。理由係高踭鞋嘅衣物規定係性別歧視,而且對健康有害。卑詩省勞工廳決定修改1996年《勞工賠償法》下職業健康同安全規定中與鞋類相關嘅條款。新規定要求,老闆須確保員工喺工作場合所穿著嘅鞋能保障安全,包括要考慮可能引發之滑倒、絆倒、極端溫度、腐蝕性物質、刺穿風險、電擊、腳踝支撐、肌肉骨骼損傷等種種因素。當局將編製一套新工作場所安全指引,並爭取喺4月底前提供俾僱主同僱員。消息一出,加拿大網民一片叫好。有網民訴苦說,自己曾喺要求穿高踭鞋上班嘅公司工作,每天放工時都快瘸。

  八友企喺一般男人嘅立場嚟講,對女人應否穿著高踭鞋持自由態度,因為有啲女性著起高踭鞋走路時阿娜多姿,動人心神,非常養眼,但有啲女性則唔穿好過穿。八友又覺得,西方女性著高踭鞋同中國封建時代規定女性一定要紥腳一樣係歧視女性嘅行為,為咗達到男性養眼嘅享受,就諗出紥腳同高踭鞋呢兩種虐待女性行動,實在有啲過份。記得兩年前,法國康城電影節曾有女明星因冇穿著高踭鞋而被拒參與電影節,此乃公然歧視女性。八友喺唐人街曾目睹“雙拳打出火!”“對面睇見牙姻”之高踭鞋傷人亊件。有日逛東百老匯,幾個大媽穿起三四吋高踭鞋,走在路上令人一步一 驚心,怕佢哋跌倒就大鑊。結果好嘅唔靈醜嘅靈,有個六十過外嘅肥師奶“哎唷”一聲摜喺地上,鞋踭折斷,嗌到救命。問一位 閩籍朋友點解咁多婦女喜歡穿高踭鞋?“佢哋喺大陸時都係勞動階級,來到美國後都想學下西化,以補年青時空白。化妝、染髪、著高踭鞋乃係時麾體現。但係佢哋未知高踭鞋之利害。”

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版