您的位置: 首页/八友集/外賣激增 懶煮方便食肥人

外賣激增 懶煮方便食肥人

Mar 20, 2017, 01:39 AM

  現代生活緊張,好多人冇時間或者唔想煮飯,食外賣係最佳選擇。行去餐館買呢抑係叫番嚟屋企?前者可以慳番花利,後者則要俾小費。研調機構NPD數據顯示,美國民眾打電話或網路落單叫外賣,喺去年激增18%至19億元。又話消費者最多叫晚餐外賣,家庭則係最多行動訂餐用戶。數據又顯示,整體訂單中,晚餐時段嘅訂單佔咗50%,35%訂單同細路派對有關。年齡喺35歲以下、而且家庭收入較高嘅族群,係最常使用行動訂餐之族群,愛用Seamless同Grubhub等訂餐網站。不過專家警告,日日叫外賣好容易食到肥嘟嘟,同時會搞到荷包大縮水。

  八友家中嘅八女就係時不時喺網站叫外賣。佢有時喺屋企做工,或者天氣唔好,懶煮,亦叫八母唔駛煮,想食乜,上網搞定。有時叫炒粉麵點心,有時炸醬麺小籠包,亦有時西餐。叫佢慳啲用錢,周時叫外賣會有依賴性,荷包大出血,而且食得唔健康。八妻以前晚晚煮飯,但自從每個禮拜兩日去湊孫,夜晚先番到屋企,煮唔切,八友就要買外賣,通常兩飯一湯麺,有時又話想轉下口味,食下小籠包、大鹵麵加個蓋飯。食得多,肚腩又大咗,吩咐叫廚師小鹽小油,但好多時佢哋慣咗手勢,控制唔到,食唔壞你算你大命。講真,外賣可以活絡社區經濟,好多餐館嘅生意,外賣佔30%至40%也。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版