您的位置: 首页/八友集/ 德佬辱華 不招人忌是庸材

德佬辱華 不招人忌是庸材

Mar 17, 2017, 01:32 AM

  最近,中國人又被人欺負了,今次唔係小日本,而係德國佬。

  報載,總部位於德國萊比錫嘅一家紡織服裝產品定制網站Spreadshirt,最近出售嘅兩種T恤上面竟然分別印有“救一只狗,食一個中國人”、“救一條鯊魚,食一個中國人”等辱華內容。

  此事被曝光後,辱華內容已遭到網民抗議。中國駐德國使館發言人發表聲明稱,使館經商處已經同涉事公司、德國聯邦經濟部進行交涉,表示強烈不滿,並要求所有辱華T恤下架,向中方做出解釋同道歉。

  中方再次要求涉事公司停止出售辱華T恤,立即停止縱容辱華行為,並要求德國監管部門切實加強對企業同網站經營行為嘅管束,以免傷害兩國人民之間感情。

  聽講,嗰個網站只係發表示咗一項聲明。中國駐德使館發言人指該聲明唔係真正道歉,而係為公司縱容侮辱、歧視行為做辯解。

  友人大隻講睇到呢條消息,大叫可怒也,佢話兩個二戰慘敗國竟相繼欺侮中國人。日本發動戰爭殺人千千萬,德國何嘗唔係?希魔殺猶太人600萬,亦係罪惡滔天。

  今日德國竟然針對極少數唐人食狗肉、魚翅而公然辱華,實在可恨。如果有人以牙還牙,以眼還眼,印制:“救一個猶太人,食一個德國人”嘅T恤,德國佬情何以堪,作何想法?將心比心,梗係唔得。

  況且,韓國、越南、泰國等地均烹三六飽口福。而日本每年藉口濫捕擊殺鯨魚、鯊魚,德國佬屁都唔敢放一個,偏偏搵中國人開刀,太豈有此理。

  八友叫佢唔駛咁嬲:“不招人忌是庸材。皆因為中國喺國際地位強大,好多人呷醋,咪借頭借路撩架嗌囉!”

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 联系我们| 意见建议| 网站地图| WAP版