您的位置: 首页/八友集/ 輸打嬴要 賭場准敗不准勝

輸打嬴要 賭場准敗不准勝

Jan 23, 2017, 01:44 AM

  有人說賭場係“輸打嬴要”嘅地方,八友起初唔多信,但睇咗一條新聞後,就信到十足。有個20歲嘅韓國人舊年熱天喺賓州某個賭場拉老虎機,拉中一千六百幾銀,佢以為行運。點知要睇證件先有錢攞,但被賭場發現佢“唔夠秤”,未達到賭搏委員會嘅21歲規定,乃沒收佢哋嗰千幾銀。據知,根據賓州賭博管制委員會批准同意判決書指出,呢間賭場已經唔係第一次俾未足21歲嘅人入賭場,因此罰呢間賭場5萬銀。賭場話對呢種事感到遺憾,又話採取新措施,包括喺入口設立更嚴密嘅身分掃描系統,希望遏止未成年人偷入賭場非法賭博。

  賭場沒收未夠賭搏年齡嘅中奬者奬金,無可厚非。但賭場贏咗幾多未夠21歲賭客嘅錢?相信難以估計,賭場有冇退番賭本俾佢哋?肯定喺冇。聽一個大西洋賭城爛賭二講,有個華人大商家喺某賭場常客,不但自己賭,連個17歲嘅獨生女亦跟埋一齊賭。“17歲,一睇就知‘唔夠秤’啦!點解賭場肯放人入去?”“你有所不知,因為呢兩父女唔係袋錢入去賭,而係用皮匧裝錢賭,咁大嘅豪客,賭場吩咐隻眼開隻眼閉,罰錢就罰啦!都有大把賺。”爛賭二又話,呢個華埠大商家最後輸到褲甩裙甩,所有股份都輸埋。

  據八友所知,有啲賭場喺過年過節時會搵舞獅隊入去表演,但獅隊表演者多為20歲以下,令賭場甚為頭痛,只好吩咐小朋友唔好入賭區,但好可能有漏網之漁,俾賭委會捉到,罰款幾萬冇走雞也。

本文版权属“纽约侨报”所有,转载请注明“来源:纽约侨报网”。违反上述声明者,我们将追究其相关法律责任。

评论

关于侨报| 报纸广告| 数字广告| 免责声明| 版权声明| 联系我们| 意见建议| 网站地图| WAP版